الترقيع
نصبغ الشرخ ونبيّض الجدار.
- الشكل يتحسّن بسرعة
- بس الحركة تحت الأساس ما وقفت
- الشرخ يرجع بعد فترة، وأحياناً أكبر
إيقاف الدوس · تدعيم أساسات · معالجة تشققات
بيتك يستاهل أساس تثق بيه
إذا ظهرت تشققات بالجدران أو حسّيت البيت يميل، لا تنتظر لين تكبر. إذا البيت دوس أو انفطر جداره، ننزل تحت الأساس وندفع بواري حديد بجاك قوي لين الطبقة الصلبة، ويرجع بيتك واقف على أرض ثابتة.
نكشف الأساس بنفسنا، ونشرح لك شنو شفنا بالضبط، وبعدها انت تقرر.
البيت يحجي.. بس لازم نسمعه
علّم على اللي تشوفه ببيتك، وشوف شنو نفكر.
ليش نبدأ من الأساس؟
تخيّل كرسي رجله قصيرة ويتمايل. تلصق الشرخ بالكرسي لو تصلّح الرجل؟ البيت نفس الشي.
من الأساس
نثبّت الأرض تحت الأساس أول شي.
- الأساس يستند على الطبقة الصلبة
- نرمّم الجدران وهي مستقرة
- يرجع الاطمئنان للبيت وأهله
من الأسباب الشائعة لهبوط الأساس:تربة ضعيفةتسرّب مياه تحت الأساسحفريات قريبةأحمال زادت بعد البناء
إذا انفطر الجدار ودوس البيت
الدوس (هبوط جزء من البيت) ما يوقف لحاله. الأرض تحت الأساس ضعيفة، ولازم ننزل لين الأرض القوية ونخلي البيت يستند عليها.
٤٠ سمطول كل قطعة بايب حديد، نحطها وحدة فوق الثانية
٣٠٠ طنالقوة اللي يوصلها الجاك وهو يدفع البواري للأرض
للأرض القويةنكمّل الدفع لين الركيزة تقفل وما تنزل أكثر
ملّيمتراتإذا الجاك رفع البيت شوية، تأكدنا إن الركيزة شغالة
شلون نعرف إن الركيزة "قفلت"؟
نضغط بالجاك والبايب يدخل بالأرض، ولما يوصل للطبقة الصلبة ما يتحرك أكثر مهما زدنا الضغط. هنا الجاك يبدأ يرفع جزء من البيت ملّيمترات، وهذا دليلنا إن الحمل صار على أرض قوية مو على التربة الضعيفة.
وبعد التدعيم نسوي
- نقيس المناسيب ونثبّت شواهد على الشروخ، حتى نتابع إذا بعد اكو حركة
- نعالج سبب المشكلة: تسرّب ميّ، تصريف سيّئ، أو تربة ضعيفة
- نردم ونرمّم الشروخ والجدران بعد ما يستقر البيت
- نسلمك صور قبل وبعد وشرح للي انعمل
الشغل بالرسم، خطوة بخطوة
شنو يصير تحت بيتك من أول يوم لآخر يوم، بعشر صور.
المشكلةالأرض الضعيفة تحت الأساس تنزل، والبيت يدوس والجدار ينفطر.
نفحص ونقيسنقيس ميلان البيت ونرقّم الشروخ، حتى نعرف وين الدوس وشكد قبل ما نحفر.
نكشف الأساسنحفر حفرة صغيرة جنب الأساس بمكان الدوس.
نركّب القاعدة والجاكقاعدة حديد تحت الأساس، والجاك يستند على وزن البيت ويدفع أول بايب.
بايب فوق بايبكل قطعة ٤٠ سم، نضيفها ونلحمها ونكمّل الدفع للأسفل.
توصل وتقفللما توصل الأرض القوية تقف، والجاك (لين ٣٠٠ طن) يرفع البيت ملّيمترات.
نكرر تحت الجدارنفس الشي بأكثر من نقطة تحت الأساس، والمهندس يحدد عدد الركائز والمسافة بينها.
سيطرنا على الدوسالبيت صار مستند على الأرض القوية مو على التربة الضعيفة. الدوس وقف وحافظنا على البيت.
نثبّت ونرجّعنلحم الركيزة بالقاعدة، نردم الحفرة، ونرمم الشرخ.
نتابع ونسلّمكنركّب شاهد على الشرخ ونتابعه بعد الشغل، ونسلمك صور قبل وبعد.
الركائز ما تنحط بمكان واحد. نوزّعها تحت الأساس من كل الجهات حتى البيت كله يستند على أرض قوية.
- بالزوايا أول شي، لأنها تشيل أكثر حمل
- أكثر بجهة الدوس، لأن الحركة هناك أكبر
- على باقي الجدران حسب طولها
- تحت الجدران الداخلية الحاملة إذا تحتاج
ركيزة بايب حديدجهة الدوسالأساس
التوزيع بالرسم مثال. عدد الركائز وأماكنها تتحدد بعد الكشف على البيت، حسب حالة كل موقع.
رسوم توضيحية مبسطة، مو بمقياس حقيقي. عدد الركائز وأماكنها يحددها المهندس حسب البيت.
ليش اخترنا هالطريقة؟
اكو أكثر من طريقة لمعالجة الدوس والشروخ، وكل وحدة إلها مكانها. هنا نقارنها بصراحة.
طريقتنا: بواري حديد بالجاك
بواري حديد، كل قطعة ٤٠ سم، ندفعها بجاك لين ٣٠٠ طن لين توصل الأرض القوية وتقفل.
- يوصل للأرض القوية
- نقدر نتأكد من النتيجة
- قلة الحفر والإزعاج
- السرعة
- الكلفةمتوسطة
تنفع لما الدوس جاي من تربة ضعيفة تحت الأساس. المهندس يتأكد إن وزن البيت يكفي للدفع، وإن الأرض القوية بعمق نوصله.
الحقن تحت الأساس
نحقن مونة إسمنت أو مواد كيميائية بالتربة حتى تتصلب أو تملأ الفراغات.
- يوصل للأرض القوية
- نقدر نتأكد من النتيجة
- قلة الحفر والإزعاج
- السرعة
- الكلفةمتوسطة
ينفع للفراغات والتربة الرخوة القريبة. بس صعب تعرف وين راح الحقن بالضبط، وممكن يرفع جزء غلط أو يدخل بالمجاري.
الربط بالشيش
نقص الشرخ ونربط الجدار بقضبان حديد (شيش) ونسدّه.
- يوصل للأرض القوية
- نقدر نتأكد من النتيجة
- قلة الحفر والإزعاج
- السرعة
- الكلفةواطية
يرجّع الجدار مربوط ومرتب، بس ما يوقف الدوس. مكانه الصحيح بعد ما نثبّت الأساس، وإحنا نستخدمه بهالمرحلة.
الصب التقليدي تحت الأساس
نحفر تحت الأساس على مراحل ونصب خرسانة توسّع القاعدة أو تنزلها لتحت.
- يوصل للأرض القوية
- نقدر نتأكد من النتيجة
- قلة الحفر والإزعاج
- السرعة
- الكلفةمتوسطة
طريقة مجرّبة، بس تحتاج حفر كبير وانتظار للصب، وما تنفع إذا الأرض القوية عميقة.
هذا تقييم فريقنا العام حسب خبرتنا بالشغل، مو أرقام مخبرية. كل بيت حالته تختلف، والمهندس يحدد الأنسب بعد ما يكشف على الأساس.
شلون نشتغل
ننزل تحت الأساس وندفع بواري حديد قطعة فوق قطعة، كل وحدة ٤٠ سم، لين نوصل الأرض القوية. هذا اللي يصير خطوة خطوة.
افهمها بدقيقة
فيديوهين قصار: شلون تعرف إن بيتك ديدوس، وشلون نعالجه من الجذر.
من مواقعنا
صور حقيقية من موقع واحد، من أول ضربة حفر لحد ما البايب يقفل على الأرض القوية. اضغط على أي صورة حتى تكبر.
بالفيديو
شوف الشغل وهو يصير
فيديوهين قصار من نفس الموقع: الحفر جنب الأساس، والجاك وهو يدفع البايب تحت البيت. شغّل الصوت حتى تسمع الجاك.
شنو تجهّز قبل نجي؟
- ١صور للشروخ
صوّر مكان كل شرخ، وياه شي يبيّن حجمه مثل قلم أو متر. - ٢متى بدت المشكلة
تقريباً من متى ظهر الشرخ وهل كبر. - ٣عمر البيت
وإذا صار فيه ترميم أو إضافة قبل.
أسئلة نسمعها هواي
شقد يطول الشغل؟
يعتمد على حالة البيت وعدد الركائز اللي يحتاجها. نكلك المدة بعد ما نشوف الموقع.
شنو يعني الركيزة تقفل؟
يعني البايب وصل أرض قوية وما عاد ينزل مهما زدنا ضغط الجاك. بعدها نربطه بالأساس.
لازم نطلع من البيت؟
المهندس يقرر بعد المعاينة، حسب أماكن الشغل وحالة البيت.
ليش ما نسد الشروخ وبس؟
لأن الحركة تحت الأساس إذا ما وقفت، الشرخ يرجع. نثبّت الأساس أول، وبعدها الترميم يدوم.
شلون أعرف إذا بيتي يحتاج؟
جرّب الفحص المبدئي أعلاه، وإذا علّمت على أكثر من علامة، اطلب معاينة.
خلّينا نشوف بيتك
اكتب لنا شنو تشوف وإحنا نرد عليك ونحدد وياك موعد المعاينة.
أو املأ الطلب، ويطلع جاهز ترسله إلنا بالواتساب.